लष्करी अधिकाऱ्याच्या गाडीच्या धडकेनं युवकाचा मृत्यू

पुण्यात रविवारी रात्री भरधाव गाड़ी चालवून एका युवकाच्या मृत्यूला कारणीभूत ठरलेल्या लष्करी अधिकाऱ्याविरुद्ध चतुश्रुंगी पोलिस स्टेशनमधे सदोष मनुष्य वधाचा गुन्हा नोंद करण्यात आलय. कर्नल उमाकांत तिवारी असं या अधिकाऱ्याच नाव आहे. मात्र, या अधिकाऱ्याला लष्कराच्या रुग्णालयात ठेवण्यात आल्याने पोलिस त्याच्यावर कारवाई करू शकलेले नाहीत. अपघातात योगेश पवार हा २३ वर्षीय युवक या जखमी झाला. पण काल उपचारादरम्यान योगेशचा मृत्यू झाला होता. धक्कादायक बाब म्हणजे लष्करी अधिकाऱ्याला त्याच्या गाडीत असलेल्या हवेच्या पिशव्यांमुळे फारसी इजा झाली नाही. तरी ही त्याने जखमी अवस्थेतील योगेशला उपचारासाठी होस्पिटलमध्ये नेलं नाही. या अपघातात जखमी झालेल्या पंकज नेटके या दुसऱ्या युवकावर उपचार सुरु आहेत .