किर्लोस्कर समूहाची शतकपूर्ती

महाराष्ट्राला उद्योजकता शिकविली ती किर्लोस्कर उद्योगसमूहाने! शंभर वर्षांपूर्वी लक्ष्मणराव किर्लोस्कर यांनी अक्षरश: उजाड माळरानावर या उद्योजकतेचे बीज पेरले आणि अवघ्या महाराष्ट्राला समृद्धीचा राजमार्ग दाखवून दिला..आज सांगलीजवळ किर्लोस्करवाडीत हा शतकोत्सव साजरा करण्यात आला.
आजपासून बरोबर १०० वर्षांपूर्वी किर्लोस्करवाडीच्या याच माळरानावर एका मराठी उद्योजकानं एक स्वप्न पाहिलं आणि आज हे तिथे किर्लोस्करांचं साम्राज्य उभं आहे... लक्ष्मणराव किर्लोस्कारांनी सुरू केलेल्या किर्लोस्कर उद्योगसमूहाच्या स्थापनेस आज, १० मार्च २०१० रोजी शंभर वर्षे पूर्ण झाली.... एका मराठी माणसानं सुरू केलेल्या उद्योगाची शतकोत्सवी गाथा पताका आज जगभरात फ़डकते आहे....
१०० वर्षांपूर्वी काही गावक-यांना घेऊन सुरु केलेला हा उद्योग आज आज थेट ८ ते १० हजार जणांना रोजगार व एक लाखावर कुटुंबीयांचा आधार बनला आहे. आजच्या  शतकोत्सव साजरा झाला...संपूर्ण किर्लोस्कर कुटुंब इथे हजर होते
गेल्या शंभर वर्षात किर्लोसकर उद्योगसमुळे अनेकांच्या जीवनमानात अमुलाग्र बदल घडून आले, संपूर्ण पणे शेतीवर अवलंबून असणारा या भागाताला माणूस यंत्रयुगाशी समरस झाला. आज या भागातले अनेक तरूण पदेशात जाऊन भारताचं नावं उंच करत आहेत.या उद्योगाशी समरस झालेली अनेक कामगारांची कुटुंबही आवर्जून हजर होती..
महाराष्ट्रचं नावं आज देशातलं पहिल्या क्रमांकचं औद्योगिक राज्य म्हणून घेतलं जात. पण याची मूहूर्तमेढ रोवली ती किर्लोसरकरांनी आणि त्यांच्या महत्वाकांक्षी योजनांनी.. त्यामुळे अशा उद्योगाला १०० वर्ष पूर्ण होणं हे महाराष्ट्राच्या दृष्टीने खरोखरचं भूषणावह म्हणावं लागेल