ब्रिटनचे पंतप्रधान डेव्हिड कॅमरुन यांनी पाकिस्तानबाबत केलेल्या वक्तव्यावर पाकिस्ताननं चांगलीच नाराजी व्यक्त केलीय. पाकनं वेळीच दहशतवादाच्या मुसक्या आवळाव्यात असं वक्तव्यं कॅमरुन यांनी केलं होतं. ते सध्या भारताच्या दौऱ्यावर आहेत.
आज नवी दिल्लीत पंतप्रधानांसोबत केलेल्या संयुक्त पत्रकार परिषदेत पुन्हा एकदा कॅमरुन यांनी याच भूमिकेचा पुनरुच्चार केला.
तसंच पाकिस्ताननं भारत, अफगाणिस्तान आणि ब्रिटनच्या भूमीवर होणाऱ्या दहशतवादी कारवाया थांबवण्यासाठी तातडीनं कडक कारवाई करण्याची भूमिका घेतली पाहिजे असंही कॅमरुन यांनी म्हटलय.
लष्कर ए तोयबा आणि इतर दहशतवादी संघटनांच्या कारवाया रोखण्यासाठी आपणाला पाकिस्तानसोबत एकत्रित प्रयत्न करणं गरजेचं असल्याचंही त्यांनी स्पष्ट केलय.